I catch you!

Ich han dich! Mit däm Motto gaht mer durt Kluft und rasiert eine nachm andere. Aber dafür muss t Maschinä Brand zerst in richtige Gang cho. Als start muess mer druf klar cho, dass mer ifach kei Mana het. Und wän mer mal e chli Fähigkeite i de gägend platziert, muess mer leider sehr schnell feststellä, dass de Mana Tank läär isch. Usserdem het mer am afang au gar kei Läbä. mer isch nurno am Cookies ässä oder hofft uf es Wunder. Da das ja nöd chunt ( ussser mer het e richtig verplanti Soraka, wo i de erste paar Minute uft Mitti chunt und dich heilt) muess mer sich selber verpflägä.


De I catch you Brand setzt alles uf sis Q. Das sis Q en Stun herbierüäft, muess mer vorher schomal sis E oder sis W uf de gägner platziert ha. Solang dä no brännt chamer mitm Q in Stunä. Mit däm hett mer scho alles für de Build gschafft. Jetzt eifach no alles womer het uf ihn wärfe und de saftigi Bratä isch fertig. Es git vorallem am afang au sötigi wo no chli länger bruchet, bis sie au durä sind. Ignite und Passive sind da Schlüsselwörter.

Als Brand brucht mer s richtige Timing sowie en klare Verstand. Immer muess mer bereit si für die Combos, will ohni funktioniert de Brand gar nöd.

Offensive Agriv | All-In

E -> Q -> W -> R -> E

Mitm E wirft mer de Gägner in brand. Churz daruf muess mer de Stun mitm Q träffä. Jetzt s W uf ihn setzä und wen nötig au no dini Ulty also dis R. Unterdessä dörfti dis E bald wider zur verfüägig stah.

Pocke

E -> Q -> W
W -> Q -> E

Als Pocke nutzisch du praktisch all dini Abilities. Defür isch din Schade aber au enorm. Genau so wie din Mana verbruch. mer söt druf achte, dass mer immerno gnuäg mana für e Flucht hät, will du suscht schnäll als Hundefuätär Ändisch.

Flucht

W -> Q
E -> Q ( -> W )

Dis Q rettät dir dis Läbä. Das chammer au scho fast so stah lah.

Aber bi manche situatione muess mer s E als start fürt Flucht nutzä. Als Biespiel, wänn en Lee Sin meint er chan dich ga Tower dive. Dis E isch diräkt und schnäll sowie zu 100% uf dim Gägner. Defür aber numme imne chline Radius.

Dis W isch aber bi situatione nützlich, wo du würklich dezuä chunsch wäg z rännä. Dämit chasch du extrem viel Ziit günnä (natürlich mit Rylais). Dä gägner isch agfrorä und du chasch in mit dim Q no komplet Stune. Je nach läbä vom Gägner isches vielicht sogar sinnvoll alles wo no hesch uf in ztuä um in killä.
Sins jedoch meh als ein Gägner sötisch du numme dis W uf de Bode platziere und hoffä, dass eifach all verlangsame chasch.